Анталья дипломатия форуму 1-3-март күндөрү өтөт

Анталья дипломатия форуму (ADF) 1-3-март күндөрү «Кризис учурунда дипломатияны алдыга жылдыруу» темасы менен өткөрүлөт.

Тышкы иштер министрлигинин басма сөз катчысы Өнжү Кечели социалдык медиа эсебинен ADF тууралуу билдирүү бөлүштү.

Кечели 1-3-март күндөрү өтө турган ADFтин быйылкы темасынын «Кризис учурунда дипломатияны баса белгилөө» экенин айтты.

Кечели ADFде глобалдык маселелерден аймактык маселелерге чейин ар түрдүү темаларда 50 сессия боло турганы тууралуу маалыматын бөлүшүп: «20-февралга карата айтсак, форумга министрлер деңгээлинде 80ге жакын катышуучу, анын ичинде 22 мамлекет жана өкмөт башчы жана 60 тышкы иштер министринин катышуусу күтүлүүдө»,-деп айтты.

Бул сандын дагы да көбөйө турганын белгилеген Кечели жаштар, пикир лидерлери, академиктер жана эл аралык уюмдардын өкүлдөрүнөн турган жүздөгөн коноктордун ADFге келе турганын белгиледи.