Эрдоган: «Эр-Рияддагы декларацияда жөөт отурукташкандар террорист деп жарыяланды»

Президент Режеп Таййип Эрдоган Израилдин Газага кол салууларынан улам Израилдин премьер-министри Беньямин Нетаньяхуга катуу каршылык көрсөттү.

Эрдоган Стамбулдун Арнавуткөй районунда өткөн Дарүлажезе социалдык кызмат шаарынын ачылыш аземине катышты.

Президент Эрдоган бул жерде сүйлөгөн сөзүндө: «Нетаньяху ордунан туруп, эки министрди алып, басма сөзгө билдирүү жасап жатат. Ал абдан тынчсызданып жатканын айтат. Эр-Рияд саммити жана (Франциянын президенти Эммануэль) Макрондун билдирүүлөрү аны тынчсыздандырыптыр. Мен өткөн күнү эмне дедим: «Эй Нетаньяху, бул сенин жакшы күндөрүң». Сени дагы ар кандай күндөр күтүп турат. Ошол ымыркайлар, кичинекей бөбөктөр, 3-5 жашында кепинге оролгон... Алардын каргышы сени жөн койбойт.

Нетаньяху, муну жакшы бил, сен кете тургансың, кете турган, кетесиң. Эзилгендин каргышын албагын, чыгар акырындан. Ислам биримдигинин тилектештиги маанилүү. Бирок Түркиянын биримдиги, ынтымагы жана колдошуусу булардын баарынан жогору. Ислам дүйнөсү Түркияны карап жатат»,-деди.

Президент Түркиянын 7-октябрдан бери бүт аракетинин ок атышпоо жана аймакта тынчтыктын камсыздалышы үчүн болгонун айтты.

Эрдоган: «Кечээ Эр-Рияд саммитинде Палестина калкы менен тилектештигибизди көрсөттүк. Көптөгөн темада маанилүү чечимдерди кабыл алдык. Бул жыйынтыктоочу декларациянын эң маанилүү пункту отурукташкандарды террорист деп жарыялоо болду. Алынган чечимдерди аткарабыз»,-деп айтты.

Газадагы кыргынды токтотуу үчүн аракеттерди уланта тургандарын белгилеген Президент: «Жубайымдын демөөрчүлүгү менен шаршемби күнү Стамбулда боло турган эл аралык жолугушуу менен позициябызды дагы да жогору көтөрөбүз. Биз бардык абийирдүү өлкөлөрдү мобилизациялоо үчүн кадамдарды улантабыз. Биз өзүбүздүн милдеттерибизди билебиз. Биз муну токтоо кадамдар менен аткарууга аракет кылып жатабыз. Мындан ары биз эзилгендердин көңүлүн калтырбайбыз»,-деп айтты.