Эрдоган Зеленский менен сүйлөштү

Президент Режеп Таййип Эрдоган Украинанын президенти Владимир Зеленский менен телефон аркылуу сүйлөштү.

Коммуникация башкармалыгынан берилген маалыматка караганда сүйлөшүүдө Россия  -  Украина согушунан башка Израиль менен Палестинанын ортосундагы кагылышуулар жана аймактагы гуманитардык кризис талкууланды.

Сүйлөшүүдө президент Эрдоган аймактагы карама - каршылыктуу процесстерди, өзгөчө Израиль - Палестина кагылышуусун тынчтык жолу менен чечүүнүн мүмкүн экендигин, Түркиянын буга жетишүү үчүн бардык аракетин жумшай тургандыгын айтты.