Эрдоган Стамбулда коргоо өнөр жай жарманкесинин жабылыш аземинде сөз сүйлөдү

Президент Режеп Таййип Эрдоган: «Коргоо өнөр жайында жаңы кадамдарды жасаган, секторго багыт берген жана алдыңкы технологияга ээ жаңы продукциялар менен бүткүл дүйнөнүн назарында болобуз»,-деди.

Президент Эрдоган Стамбулда өткөрүлгөн IDEF'23 16-Эл аралык коргоо өнөр жай жарманкесинин жабылыш аземинде сөз сүйлөдү.

Президент Эрдоган: «Коргоо өнөр жай тармагында басып өткөн аралык – бул биздин таянычыбыз, илхам булагыбыз жана эмне кыла аларыбыздын жарчысы»,-деди.

Коргоо өнөр жайында белгилүү бир баскычка жеткирилген долбоорлорду ылдамдата тургандарын билдирген Эрдоган: «Биз тармактын муктаждыктарын аныктап, уникалдуу чечимдерди иштеп чыгабыз»,-деп айтты.

Президент Эрдоган: «2002-жылы коргонуу тармагында 57 гана ишканабыз иштесе, бүгүнкү күндө бул сан канча экенин билесизби? 2500»,- деди.

Коргоо өнөр жайындагы мүмкүнчүлүктөрдүн дос жана боордош өлкөлөр менен бөлүштүрүлөөрүн белгилеген Эрдоган: «Коопсуздук сыяктуу өтө маанилүү маселени өлкөлөр ортосундагы коркунуч жана кысымдын элементи катары колдонуу туура эмес»,- деди.

Президент Эрдоган: «Алдыбыздагы мезгил үчүн максатыбызды экспортту көбөйтүү аркылуу коргоо өнөр жайынын экосистемасын чыңдоо деп аныктадык»,-деп айтты.