Министр Фидан кытайлык кесиптеши менен жолугушту

Тышкы иштер министри Хакан Фидан борбор шаар Анкарада Кытайдын тышкы иштер министри Ванг Йи менен жолугушту.

Дипломатиялык булактардан алынган маалыматка караганда Кытай Коммунисттик партиясынын Борбордук Комитетинин Саясий бюросунун мүчөсү, Тышкы иштер Борбордук комиссиясынын директору жана тышкы иштер министри Ванг Йи расмий сапар менен келген борбор шаар Анкарада тышкы иштер министри Хакан Фидан менен жолугушту.

Фидан жана анын кытайлык кесиптеши Ванг Йи бетме-бет жана делегациялар ортосундагы жолугушууда эки тараптуу мамилелерди бардык өңүттөн талкуулашты.

Жолугушууларда эки өлкөнүн ортосундагы «Өкмөттөр аралык кызматташтык комитети, тышкы иштер министрлеринин кеңешүү механизми, консулдук кеңешүүлөр, биргелешкен экономикалык комиссия» сыяктуу диалог жана кеңешүү механизмдерин натыйжалуу пайдалануу, экономикалык жана коммерциялык мамилелерди активдештирүү, «Бир алкак, бир жол» жана Ортоңку коридор демилгелерин шайкеш келтирүү, өзөктүк энергетика, айыл чарба, жарандык авиация, маданият жана туризм темалары каралды.

Бул контекстте Кытай менен болгон эки тараптуу сооданы дагы тең салмактуу жана туруктуу түзүмгө айландыруу үчүн эмне кылуу керектиги жагдайы менен инвестицияларды өз ара көбөйтүү маселелери биринчи планга чыкты.

Сапарга байланыштуу уйгур түрктөрүнүн абалы да талкууланды.

Мындан тышкары, актуалдуу аймактык жана эл аралык маселелер боюнча пикир алмашылды. Бул алкакта Жакынкы Чыгыштагы абалдар, Украинадагы акыркы абал жана дүйнөлүк каржы системасы да бааланды.