Чавушоглу: " Энергия менен камсыздоодо Европада маанилүү актерго айландык"

Тышкы иштер министри Мевлүт Чавушоглу Түркиянын дүйнөнү энергия менен камсыздоодо маанилүү актерго айланганын айтты.

Чавушоглу кечээ Ыспартада сүйлөгөн сөзүндө Түркиянын аймактык энергетика борбору экенин билдирип: «Биз дүйнөлүк держава болгубуз келет. Бир тараптан өзүбүз өндүргөндөрдү экинчи жагынан Түркия аркылуу өткөн куурлар, Түркиядагы станциялар жана терминалдардын негизинде дүйнөнүн төрт бурчунан танкерлер менен алып келип, учурда Европа жана Балкан өлкөлөрүнө жаратылыш газын сата баштадык. Биз дүйнөнү, өзгөчө Европаны энергия менен камсыздоодо маанилүү актер болуп калдык. Азербайжан, Түркмөнстан жана башка боордош өлкөлөр менен да ушундай»,-деди.

Түрк дүйнөсүнүн күчтүү болушун каалагандарын билдирген министр Чавушоглу, эч ким менен атаандашпагандарын, бирок Түрк дүйнөсүнүн дүйнөдөгү позициясынын дагы күчтүү болушу керектигин баса белгиледи.

Дүйнөнүн оор шарттардан өтүп жатканын айткан Чавушоглу: «Азыр биз бир уюлдуктан көп уюлдуулукка өтүп жатабыз. Экинчи жагынан чоң жарыш, белгисиздик, чыр-чатактар, кризистер, чыр-чатактар, согуштар бар. Мындай кырдаалда өлкөбүз, улутубуз алда канча күчтүү жана туруктуу болушу керек»,-деди.