Чавушоглу израилдик кесиптеши менен сүйлөштү

Тышкы иштер министри Мевлүт Чавушоглу Израилдин жаңы тышкы иштер министри Эли Коэн менен телефон аркылуу сүйлөшүп : «Израилдин улуттук коопсуздук министри Итамар Бен-Гвирдин Аль-Акса мечитине каршы провокациялык аракети кабыл алынгыс»,- деди.

Тышкы иштер министрлигинен берилген маалыматка караганда Чавушоглу кесиптеши Коэнди ​​жаңы кызматы менен телефон аркылуу куттуктады.

 Билдирүүдө булар айтылды : «Министр Чавушоглу Коэнге Палестина маселесине байланыштуу өлкөбүздүн сезимталдыктарын жана күтүүлөрүн эске салып, ушунун негизинде Израилдин улуттук коопсуздук министри Итамар Бен-Гвирдин мурунку күнү Месжид-и Аксага каршы провокациялык кыймылын кабыл алынгыс деп эсептегенибизди баса белгиледи.

Министр Чавушоглу Месжид-и Аксанын статусун сактоого маани бергенибизди баса белгилеп, ар кандай чагымчыл аракеттерден алыс болушун күткөнүбүздү кесиптешине айтты".

Сүйлөшүүдө  эки министр эки тараптуу мамилелерди жакшыртуу боюнча биргелешип иштөө боюнча макулдашты.