Акар: «ТКК дүйнөдөгү эң күчтүү армиялардын бири»

Улуттук коргоо министри Хулуси Акар Түрк куралдуу күчтөрүнүн мүмкүнчүлүктөрү жана жөндөмдүүлүктөрү менен дүйнөнүн саналуу армияларынан бирине айланганын баса белгиледи.

Хулуси Акар Газиантепте шаардын бошотулушунун 101 жылдыгына карата өткөрүлгөн иш-чарада сөз сүйлөп, эл аралык карым-катнаштардын субъектисине айланган, таасир чөйрөсү жана ыйгарымдуулугу күндөн-күнгө кеңейип жаткан Түркиянын дүйнөдөгү маанилүү бир күчтүү өлкө экенин белгиледи..

Түркиянын Орусия-Украина согушунун бүтүшү жана ок атышпоонун камсыздалышы үчүн активдүү дипломатия жүргүзүп жатканын белгилеген министр Акар, Түркиянын дүйнөнү коркуткан азык-түлүк кризисинен чыгуу үчүн эгин ташуу келишимине кол коюлушу жана узартылышына чоң салым кошконун белгиледи.

Грециянын күн өткөн сайын жаңы чыңалууну жаратып жатканын белгилеген Акар, Түркиянын аймакта тынчтык жана ырааттуулук үчүн аракет кылганын белгилеп, Грециянын туруксуздукту күчөткөн мамилеси бар экенин белгиледи.

Акар:«Кипрде, Эгейде жана Чыгыш Жер Ортолук деңизде диалогго ачык болсок да, эч кандай болоору болду деген нерсеге жол берген жокпуз. Биз эч качан мындай кылбайбыз. Биз өзүбүздүн жана кипрлик бир туугандарыбыздын укуктарын жана кызыкчылыктарын коргоого чечкиндүүбүз»,-деди.

ТККнын мүмкүнчүлүктөрү жана жөндөмдүүлүктөрү менен дүйнөнүн алдыңкы армияларынан бирине айланганын баса белгилеген Улуттук коргоо министри:«Биздин баатыр армиябыз кайсы жерден коркунуч келип чыкпасын, өлкөбүздүн жана асыл элибиздин коопсуздугун камсыз кылууга умтулабыз жана чечкиндүүбүз»,-деп айтты.