Халук Байрактар: "Улуттук куралдуу учкучсуз учуучу аппараттарга суроо-талап артты"
Польшанын Кельце шаарынын кожоюндугунда эртең баштала турган Борбордук жана Чыгыш Европанын эң ири аскердик жарманкеси MSPO-2022де Түркия «Лидер өлкө» катары орун алууда.
Байкардын башкы директору Халук Байрактар, Украинадагы согуштан кийин Европа континентинде Байрактар TB2 жана Байрактар Акынжы сыяктуу куралдуу учкучсуз учуучу аппараттарга (SİHA) суроо-талаптын көбөйгөнүн, ар кайсы өлкөлөр менен сүйлөшүүлөрдү жүргүзүп жатышканын билдирди.
Польшанын Кельце шаарынын кожоюндугунда эртең баштала турган Борбордук жана Чыгыш Европанын эң ири аскердик жарманкеси MSPO-2022де Түркия «Лидер өлкө» катары орун алууда.
Жарманкеге түрк фирмалары Президенттиктин Коргоо өнөр жайынын төрагалыгынын координациясында, Коргоо жана авиация өнөр жайы экспортчулар биримдигинин колдоосу менен катышууда.
Түрк коргоо өнөр жайынын учкучсуз учуучу аппарат өндүрүүчүлөрүнүн бири Байкар да мини акылдуу ок-дарылар менен жабдылган Bayraktar TB2ни көргөзмөгө коюуда.
Даярдыктар уланып жаткан жарманке аянтындагы Байкар стендине барган Польшанын президенти Анджей Дуда Байрактар TB2 тууралуу маалымат алды. Байкардын башкы директору Халук Байрактар Дудага Байрактар Акынжы чабуул коюучу учкучсуз учактын моделин белек кылды.
Байрактар Польшага тапшыруулардын келерки айда башталарын жана колдонулушун үйрөтүп бүтөйүн деп калгандарын билдирди.
Халук Байрактар учурда 24 өлкө менен Байрактар TB2 жана 4 өлкө менен Байрактар Акынжынын экспорту боюнча келишимдери бар экенин айтты.
Украинадагы согуштан кийин Түркиядагы коргоо жана авиация өнөр жайынын продукцияларына болгон кызыгуунун Европада күчөгөнүнө көңүл бурган Байрактар, 25-28-октябрда Стамбулда уюштура турган SAHA Expo Эл аралык коргоо жана авиация жарманкеси үчүн Европадан олуттуу суроо-талап алгандарын айтты.
