Эрдоган: «Дүйнөлүк саламаттык сактоо рыногунан 10 миллиард доллар үлүш алууну максат кылуудабыз»
Эрдоган Стамбулдагы Богазичи университетинин Кандилли илим, технология жана изилдөө имаратынын ачылыш программасында сөз сүйлөдү.
Президент Режеп Таййип Эрдоган дүйнөлүк саламаттык сактоо рыногунан 10 миллиард долларлык үлүш алууну максат кылгандарын айтты.
Эрдоган Стамбулдагы Богазичи университетинин Кандилли илим, технология жана изилдөө имаратынын ачылыш программасында сүйлөгөн сөзүндө, терең технология базасы деп аталган бул имараттын Түркиянын изилдөө, өнүктүрүү жана инновация экосистемасына абдан маанилүү салымдарды кошо турганына ишенгенин айтты.
Пандемия мезгилинде саламаттыкты сактоо секторунун коргоо өнөр жайы сыяктуу маанилүү болуп көрүнгөнүн баса белгилеген Эрдоган, саламаттыкты сактоо секторунун муктаждыктарын ата мекендик жана ички продукция менен камсыз кылып, күнүмдүк эсептин тартыштыгын кыскартууну, ушул сыяктуу продукцияларды экспорттоону да жакшыртууну каалашканын маалымдады.
Саламаттык сактоо инфраструктурасы күчтүү болбогон өлкөлөрдүн канчалык бай болсо да олуттуу коркунучтар алдында алсыз экенин билдирген Эрдоган: «Биз маалымат, технология, өндүрүш, адам ресурстары жана инфраструктура менен колдоого алынбастан пандемия сыяктуу кеңири жайылган саламаттыкты сактоо кризистерине туруштук берүү мүмкүн эмес экенин бирге көрдүк жана башыбыздан өткөрдүк. Түркия акыркы 20 жылда ар бир тармак сыяктуу саламаттыкты сактоо инфраструктурасына да салган инвестицияларынын негизинде бул чоң кризисти эң аз жоготуу менен жеңе алды»,-деди.
Түркияга дүйнөнүн төрт бурчунан миллиондогон адамдардын диагностика жана дарылануу үчүн келгенин жана миллиарддаган доллар сарптаганын белгилеген Эрдоган: «Кийинки жылы биз 1,5 миллион чет элдик бейтапка кызмат көрсөтүү менен дүйнөлүк саламаттык сактоо рыногунан 10 миллиард доллар үлүш алууну максат кылуудабыз»,-деп айтты.
Түркиянын азык-түлүк тармагында өзүн-өзү камсыз кылуудан тышкары бүткүл адамзатты азыктандырган жана бүткүл дүйнөнүн талаптарын канааттандыра турган дарамети менен жолун улантууну каалаганын баса белгилеген Эрдоган: «Түркия бардык тармакта келечектеги коопсуз порт өлкөлөрүнүн алдыңкы сабында болууга талапкер»,- деди.
