Түркияга 20 миң 550 украин жараны киргени кабарланды
Ички иштер министринин орун басары жана министрликтин басма сөз катчысы Исмаил Чатаклы, Украинадагы кагылышуулардан улам келип чыккан миграциялык активдүүлүк тууралуу жазуу түрүндөгү билдирүү жасады.
24-февралдан бери Түркияга 20 миң 550 украин жараны киргени кабарланды.
Ички иштер министринин орун басары жана министрликтин басма сөз катчысы Исмаил Чатаклы, Украинадагы кагылышуулардан улам келип чыккан миграциялык активдүүлүк тууралуу жазуу түрүндөгү билдирүү жасады.
Украинадан миграциялык кыймылдын башталышы менен бул өлкөгө гуманитардык жүк ташыган унааларды жөнөткөндөрүн белгилеген Чатаклы:«Румыниянын чек арасында апаат жана өзгөчө кырдаалдарды башкаруу төрагалыгы (AFAD) топторубуз күн сайын 2 мобилдик ашкана жана стандарттар менен 10 миң кишиге ысык тамак жана даам берип жатат»,-деди.
Бул жумада (2022-жылдын 7-11-марты) аймакка болжол менен 10 фура гуманитардык жардам жөнөтө тургандарын белгилеген Чатакли алдыдагы күндөрдө жардам берүүнү уланта турганын айтты.
Исмаил Чатаклы Түркиянын чек ара дарбазаларынын өтүү оңойлугун жана транзакциялардын тез бүтүшүн камсыз кылганын баса белгилеп:«Ушул алкакта 24-февралдан бери бардык чек ара дарбазаларыбыздан 20 миң 550 украин жараны өлкөбүзгө кирди. Биздин өлкө менен Украинанын ортосундагы жарактуу визадан бошотуу келишиминин алкагында Украинанын жарандары биздин өлкөгө паспорт же ID менен кире алышат жана 90 күнгө чейин визасыз биздин өлкөдө мыйзамдуу түрдө жүрө алышат. Биздин өлкөгө мыйзамдуу түрдө кирип, бирок чыр-чатактар башталганга чейин чыга албаган Украинанын жарандары үчүн губернаторлуктарга жашоого уруксат алуу арыздарында керектүү ыңгайлуулукту камсыз кылуу тапшырмасы берилди»,-деди.
Чатаклы ошондой эле: «2022-жылдын 6-мартына карата Украина жарандарынын арасында 551 Крым татары жана Ахыска түрктөрү өлкөбүзгө кирди. Топ-топ же жекече өлкөбүзгө кирген Крым татарлары менен Ахыска түрктөрүнүн ичинен 257 Крым татар жана 15 Ахыска түрктөрү Эдирнедеги жатаканаларга жана 204 Крым татарлары болсо Кыркларелинин Миграция башкармалыгынын башчылыгынын координациясында Эдирне жана Кыркларели губернаторлугу тарабынан Кыркларелидеги жатаканаларга жайгаштырылды»,-деген маалымат бөлүштү.
«Мындан тышкары Украинадан эвакуацияланган же өз өлкөсүнө кетүүгө аракет кылган 1711 Азербайжан, 447 Түркмөнстан жана 62 Грузия жараны транзит үчүн өлкөбүзгө кирди», - деди ал.
