Түркияда бактылуу адамдардын саны көбөйдү
Түркиянын статистикалык мекемеси, 2021-жылга карата «Жашоодон канааттануу изилдөөсүнүн» жыйынтыгын жарыялады.
![Түркияда бактылуу адамдардын саны көбөйдү](http://cdn.trt.net.tr/images/xlarge/rectangle/b36e/2636/68c9/620e0e20ca8cf.jpg?time=1718829151)
Түркияда бактылуумун дегендердин саны өстү.
Түркиянын статистикалык мекемеси (TUIK) 2021-жылга карата «Жашоодон канааттануу изилдөөсүнүн» жыйынтыгын жарыялады.
Буга караганда, бактылуумун деп билдирген 18 жаштан жогоркулардын көрсөткүчү 2020-жылы 48,2 пайызды түзсө, 2021-жылы 49,3 пайыз болду.
Бактысызмын деп билдирген адамдардын саны болсо 2020-жылы 14,5 пайызды, 2021-жылы 16,6 пайызды түздү.
Ал эми бактылуумун деп билдирген эркектердин көрсөткүчү 2020-жылы 43,2 пайыз, өткөн жылы 43,9 пайыз болду.
Аялдар үчүн бул көрсөткүч 2020-жылы 53,1 пайызды, 2021-жылы 54,6 пайызды түздү.
Үй-бүлөлүү адамдардын бойдокторго караганда бактылуураак экени байкалды.
2021-жылы бактылуумун деген үй-бүлөлүү адамдардын көрсөткүчү 54 пайыз, бойдоктардо бул көрсөткүч 40,1 пайыз болду.
Үй-бүлөлүүлөрдүн бактылуулук деңгээли жынысы боюнча анализделгенде үй-бүлөлүү эркектердин 48,9 пайызы, никеси бар аялдардын 58,8 пайызы бактылуу экени байкалды.