Татар: «Кипрлик түрктөр Кипрде эки башка мамлекет бар экенин бүткүл дүйнөгө кыйкырууда»

Түндүк Кипр Түрк Республикасынын (ТКТР) Президенти Эрсин Татар кипрлик түрктөрдүн Кипрде эки башка мамлекет бар экенин бүт дүйнөгө кыйкырганын айтты.

Эрсин Татар шаар мэри Тунжер Капландын чакыруусу менен борбор шаар Анкаранын Бейпазары районуна келди.

Президент Татар бул жерде сүйлөгөн сөзүндө Кипрде жакынкы өткөндө кайгылуу окуялар болгонун эске салды.

Бул мезгилде Ататүрктүн (Республиканын негиздөөчүсү Мустафа Кемал) согуштарынан шыктанышкандарын, алар калыбына келип, мамлекет курушканын белгилеген Татар: «Бүгүнкү күндө Чыгыш Жер Ортолук деңизде башкача ойлонгон адамдар болушу мүмкүн, бирок натыйжада бир Түрк мамлекети бар. Башкача айтканда, Кипр Түрк Республикасы бар. Биздин чын жүрөктөн байланышыбыз болгон Түрк эли, түрк улуту бар. Анткени биз түрк элинин, түрк улутунун ажырагыс бир бөлүгүбүз. Биз Чыгыш Жер Ортолук деңизинин чек ара күзөтчүлөрүбүз. Бул жердеги чечкиндүүлүгүбүздү түбөлүккө улантабыз»,-деди.

Башка улуттардын, өзгөчө румдардын аларды ассимиляциялоосуна эч качан уруксат бергендерин баса белгилеген Татар:«Урматтуу президент Режеп Таййип Эрдогандын чечкиндүү позициясы, түрк улутунун, түрк коомчулугунун жана түрк өкмөтүнүн (колдоосу менен) Кипрде жанаша жашаган эки өзүнчө эгемендүү тең укуктуу мамлекетти алып келүү саясаты чоң кадам жана Кудай бизге муну берди. Биз муну коргоп жатабыз. Биз чындап эле узак жолду басып өттүк жатабыз. Биздин таанылуу процессинде кыйынчылыктар болушу мүмкүн, бул да болот деп үмүттөнөм, бирок биз бүткүл дүйнөгө мындай деп кыйкыра алабыз: Кипрде эки башка мамлекет бар, эки башка эл бар, эки башка демократия бар»,-деп айтты.

Түркиянын да Кипрдеги эл аралык келишимдерден келип чыккан укуктары бар экенин баса белгилеген Татар, аларды унуттурууга аракет кылгандардын ар дайым эскертилиши керектигин баса белгиледи.

Эрсин Татар Түркия Республикасынын колдоосун ар дайым өздөрүнүн жанында сезип жатканына кубанычта экендиктерин кошумчалады.