Стамбулда конференция өткөрүлөт

Түркия Ислам Кызматташтык Уюмуна мүчө мамлекеттердин Парламенттик биримдигинин 16-конференциясын өткөрөт.

Конференция 9-10-декабрь күндөрү Стамбулда Түркия Улуу Улуттук Жыйынынын төрагасы Мустафа Шентоптун катышуусунда өтөт.

Конференциянын алдында эртең Биримдиктин Аткаруу комитетинин 46-жыйыны болот.

Түркиянын Буркина-Фасодон төрагалыкты өткөрүп ала турган конференциянын темасын «Бөлүшүү, абийир жана Ислам: Палестина, миграция жана Афганистан» түзөт.

Биримдикке мүчө жана байкоочу өлкөлөр менен уюмдардын парламенттеринен 38ге жакын делегация катыша турган конференция Долмабахче сарайында өткөрүлөт.

Конференцияга Азербайжан парламентинин төрайымы Гафарова, Ирандын Ислам консультациялык ассамблеясынын төрагасы Мохаммад Багер Галибаф, Бириккен Араб Эмираттарынын Улуттук кеңешинин президенти Сакр Гобаш, Египеттин Эл өкүлдөр палатасынын төрага орун басары Ахмед Саад ад-Дин да катышат.

Президент Режеп Таййип Эрдоган жана Түркия Улуу Улуттук Жыйынынын төрагасы Шентоп 10-декабрь жума күнү боло турган конференциянын ачылыш сессиясына катышып сөз сүйлөшөт.