Түрк Кеңешинин билим берүү министрлеринин жыйыны башталды
Эрдоган, жыйынга кайрылуу жолдоду.
Президент Режеп Таййип Эрдоган Түрк Кеңешинин бир туугандыктын, тилектештиктин жана кызматташтыктын символуна айланганын айтты.
Түрк Кеңешинин билим берүү министрлеринин 6-жыйыны жана Эл аралык Түрк академиясынын Илим кеңешинин 4-жыйыны Стамбулда Улуттук билим берүү министрлигинин кожоюндугунда башталды.
Президент Режеп Таййип Эрдоган, улуттук билим берүү министри Махмут Өзер менен Түрк Кеңешинин баш катчысы Багдад Амреевдин жетекчилигиндеги жыйынга кайрылуу жолдоду.
Жыйындын билим берүү жааматына жана Түрк дүйнөсү үчүн пайдалуу болушун каалаган Эрдоган, быйыл Түрк Кеңешинин түзүлгөндүгүнүн 12 жылдыгы белгиленгенин эске салып: «Акыркы 12 жылдын ичинде Түрк кеңеши бир туугандыктын, тилектештиктин жана кызматташтыктын символуна айланды»,- деди.
Түрк Кеңешинин бул процессте институционалдашуусун аяктаганын, жаңы катышуулар менен күчүн, кадыр-баркын жана таасирдүүлүгүн дагы да арттырганын билдирген Эрдоган, 12-ноябрда Стамбулда өткөрүлө турган 8-саммиттин кеңештин тарыхында бурулуш жери болорун белгиледи.
Президент Эрдоган: «Саммиттин алкагында билим берүү министрлерибиздин жыйыны биздин келечегибиздин кепилдиги болгон жаштарыбызга сапаттуу билим берүү аракетибизге жол көрсөтөт деп ишенем»,- деди.
