Чавушоглу БУУнун башкы катчысы Гутерриш менен жолугушту
Чавушоглу 21-сентябрда баштала турган БУУнун 76-Башкы Ассамблеясынын жогорку деңгээлдеги жыйналыштарына катышуу үчүн АКШга барды.
![Чавушоглу БУУнун башкы катчысы Гутерриш менен жолугушту](http://cdn.trt.net.tr/images/xlarge/rectangle/1e44/1d25/fd60/61458b82de190.jpg?time=1718829270)
Тышкы иштер министри Мевлүт Чавушоглу Бириккен Улуттар Уюмунун (БУУ) башкы катчысы Антонио Гутерриш менен өткөргөн жолугушуусунда Кипр, Ооганстан, Ливия, Сирия жана климаттын өзгөрүшү темаларын талкуулады.
21-сентябрда баштала турган БУУнун 76-Башкы Ассамблеясынын жогорку деңгээлдеги жыйналыштарына катышуу үчүн Америка Кошмо Штаттарынын (АКШ) Нью-Йорк шаарына барган Чавушоглу БУУнун баш катчысы Гутерриш менен жолугушту.
Чавушоглу жолугушуудан кийин Твиттердеги баракчасынан: «Биз БУУнун башкы катчысы Антонио Гутерриш менен дүйнө күн тартибиндеги глобалдык көйгөйлөрдү талкууладык. Кипр, Ооганстан, Ливия, Сирия жана климаттын өзгөрүшү боюнча көз караштарыбызды айттык»,-деди.
Чавушоглу ошондой эле БУУнун 76-Башкы Ассамблеясынын төрагасы Абдулла Шахид менен жолугушуп, кызматка жаңы киришкен Шахидди куттуктады.
Шри-Ланканын тышкы иштер министри Гамини Лакшман Пейрис менен да жолугушкан Чавушоглу, Твиттердеги баракчасынан "Географиялык алыстыкка карабастан карым-катнаштарыбызды өнүктүрүүгө толук эркибиз бар», деп билдирди.