Акар Түркиянын Греция чек арасын иликтеп чыкты

Улуттук коргоо министри Хулуси Акар, Грециянын экспансионисттик мамилеси жана чагымчыл жүрүм -туруму менен акылдан алыс экенин жана куру кыялдарды кууп жетүүдөн башка эч нерсени билдирбешин көрүшү керектигин айтты.

Хулуси Акар Башкы штабдын төрагасы армия генералы Яшар Гүлер, кургактык күчтөрүнүн командири армия генералы Муса Авсевер, деңиз күчтөрүнүн командири армия адмиралы Аднан Өзбал жана аба күчтөрүнүн командири армия генералы Хасан Күчүкакйүз менен бирге Эдирнеге барды.

Акар Грециянын чек арасында көрүлгөн чараларды жеринде карап чыкты.

Кийинчерээк, чек ара бөлүгүндө Мехметчик (түрк аскери) менен жолуккан Акар, Түрк куралдуу күчтөрүнүн (ТКК) чек аралардын коопсуздугу үчүн жасалышы керек болгон нерселердин бардыгын жасаганын жана келечекте дагы кыла берерин айтты.

Түркиянын Эгей деңизиндеги көйгөйлөрдү эл аралык мыйзамдарга ылайык, жакшы коңшулук мамилелерде, саясий каражаттар жана ыкмалар менен диалог алкагында чечүүнү жактай турганын баса белгилеген Акар: «Бирок, тилекке каршы, биз дайыма Грециянын провокациялары, мыйзамсыз агрессивдүү аракеттери жана риторикасы менен туш болуудабыз»,-деди.

Суверенитети келишимдер менен Грецияга өткөрүлбөгөн аралдар, аралчалар жана аскалар (EGEAYDAK) маселесине да токтолгон Акар, «Лозанна жана Париж келишимдери бар. Кээ бир аралдардын куралсыздандырылышы жана демилитаризацияланышы керек. Бул келишимдерде так көрсөтүлгөнү менен, биздин грек коңшулар түшүнүксүз түрдө келишимдерди дайыма бузууга аракет кылышат»,деп айтты.

Акар: «Баары билиши керек, биз эч кандай жасалма жол менен бербейбиз жана өзүбүздүн жана кипрдик бир туугандарыбыздын укуктарынын тебеленишине уруксат бербейбиз»,-деди.

Акар качкындар маселеси бир гана Түркиянын көйгөйү болбошу керектигин айтып, «Биз материалдык жана руханий ар кандай жардамдарды бердик жана берип жатабыз. Ошо сыяктуу эле, биздин коңшулар жана Европа Биримдиги (ЕБ) бул жаатта керектүү сезимталдыкты көрсөтүшү керек»,деген серебин салды.