Стамбулдагы «Сабиха Гөкчен» атындагы аэропортто күнүмдүк жүргүнчү саны 100 миңге чукулдады

Стамбулдагы «Сабиха Гөкчен» атындагы эл аралык аэропортто кечээ 99 миң 506 жүргүнчү ташылып жаңы түрдөгү коронавирустун (Ковид-19) эпидемиялык мезгили боюнча рекорд жаңыланды.

Ковид-19 эпидемиясында нормалдашуу процесси жана эмдөө аракеттеринин тездеши авиация тармагын да жандантты.

99 миң 506 жүргүнчү кечээ Стамбулдагы «Сабиха Гөкчен» аэропортун колдонду. Бул сан Ковид-19 эпидемиясы учурунда жана 2021-жылы «Сабиха Гөкчен» аэропортун колдонгон эң көп жүргүнчү катары катталды.

Буга ылайык, 4-июлда саякаттаган ички жүргүнчүлөрдүн саны 63 миң 648, ал эми эл аралык жүргүнчүлөрдүн саны 35 миң 858 болгон. Ошол эле күнү аэропортто 660 рейс аткарылды.