Түркия пандемияга карабастан алдыга жылды

Президент Режеп Таййип Эрдоган: «Пандемия учурунда жада калса өнүккөн өлкөлөр дагы айласы кетип турганда, биз Түркияны ар тармакта алдыга алып чыктык», деди.

Эрдоган Сакарияда курулушу аяктаган долбоорлордун ачылыш аземинде сүйлөгөн сөзүндө, коронавирус (Ковид-19) пандемиясына каршы эмдөө аракеттеринин тездик менен уланып жаткандыгын белгилеп: «Буюрса жакында өзүбүздүн вакцинабызды чыгарабыз. Азыр 18 жаштан жогорку курактагы бардык адамдарга эмдөө жүргүзүү мүмкүнчүлүгүнө жетиштик. Жарандарымдан вакциналарын тезирээк алуу менен өзүлөрүн жана өлкөбүздү ушул пандемия коркунучунан коргоосун күтөмүн», деди.