Калын менен Салливан телефон аркылуу сүйлөшүү өткөрдү

Президенттиктин басма сөз катчысы Ибрахим Калын Америка Кошмо Штаттарынын (АКШ) Улуттук коопсуздук боюнча кеңешчиси Жейк Салливан менен телефон аркылуу сүйлөштү.

Президенттин басма сөз катчысынын билдирүүсүнө ылайык, Калын кызматын жаңы баштаган Салливанга куттуктоосун айтты.

Кийинки мезгилде Түркия-АКШ мамилелерин чыңдоо, ар бир маселе боюнча тыгыз байланышта болуу жана сүйлөшүүлөрдө конструктивдүү кызматташуу үчүн диалог каналдарын эффективдүү колдонуу керектиги баса белгиленген сүйлөшүүдө, коронавирустун жаңы түрүнүн (Ковид-19) эпидемиясы менен күрөшүүдө дүйнөлүк кызматташтыктын жана тилектештиктин маанилүүлүгүнө көңүл бурулду.

Сирия жана Ливиядагы саясий чечим жараянын күчтөндүрүүгө макулдашылган сүйлөшүүдө ар кандай террордук топторго каршы натыйжалуу жана биргелешкен күрөш жүргүзүүнүн маанилүүлүгү баса белгиленди.

Идлибдеги акыркы абал күн тартибине келген, качкындардын жаңы толкунунун бул аймакта туруксуздукка жана гуманитардык кризиске алып келүүсүнө каршы так жана шашылыш чаралардын көрүлүшү керектиги маалымдалган сүйлөшүүдө, Түркия менен Грециянын ортосундагы иш жүзүндөгү консультативдик сүйлөшүүлөр Чыгыш Жер Ортолук деңизинде тынчтыкка жана туруктуулукка салым кошушу күтүлгөнү айтылды.

Түркия, Америка Кошмо Штаттарынын Париж келишимине (COP21) кайтып келген чечимди кубаттаганы жана климаттын өзгөрүшү менен күрөшүүдө эл аралык тилектештик үчүн маанилүү экендиги белгиленген сүйлөшүүнүн аягында С-400, F-35 жана жикчил террордук уюму PYD-YPG сыяктуу эки өлкөнүн ортосундагы пикир келишпестик жактары болгон маселелерди жаңы көз караш менен чечүү үчүн биргелешкен аракеттерди көрүү керектиги белгиленди.

Жаңы мезгилде эки союздаш өлкөнүн ортосундагы күчтүү, туруктуу жана конструктивдүү мамилелердин моделинин күтүлгөнү айтылган бул сүйлөшүүдө, НАТО шериктештигин чыңдоо, аймактык жана глобалдык тынчтыкка жана туруктуулукка салым кошо турган кадамдарды жасоо боюнча бирдей пикирге келишти.

Ак үйдүн сүйлөшүүгө байланыштуу жасаган билдирүүсүндө, «Салливан, (Президент Жо) Байден бийлигинин АКШ менен Түркиянын ортосундагы конструктивдүү байланыштарды түзүү, кызматташуу чөйрөлөрүн кеңейтүү жана талаш-тартыштуу темаларды натыйжалуу түрдө башкарууну каалагандыгын баса белгиледи»,делди.