Түркиянын террористтер менен күрөшүүсү уланууда
Зыянсыздандырылган 5 террористтин экөөсүнүн Терроризм боюнча изделгендердин тизмесинде боз категориясына киргени аныкталды.
![Түркиянын террористтер менен күрөшүүсү уланууда](http://cdn.trt.net.tr/images/xlarge/rectangle/b39d/5c12/2daa/5fd08c3e96c1e.jpg?time=1718860628)
Шырнактын Габар тоосундагы үңкүрдө 5 ПКК террористи куралдары менен жок кылынды.
Бул тууралуу Түркиянын ички иштер министри Сүлейман Сойлу билдирди.
Социалдык медиада билдирүү жасаган Сойлу, Шырнактын Габар тоосундагы 5 террористтин үңкүрдө жок кылынганын маалымдады.
Министр Сойлу өзүнүн билдирүүсүндө төмөнкүлөрдү жазган:«2021-жылы биздин баатырлар Габар тоосунан биринчи кабарды беришти ... Алар (террористтердин) үңкүрүнө кирип барышты. Үңкүрдө 5 террорист биздин баатыр десанттарыбыз тарабынан курал-жарактары жана ок-дарылары менен кошо зыянсыздандырылды... Аллах биздин балдарыбызды сактасын ...».
Зыянсыздандырылган 5 террористтин экөөсүнүн Терроризм боюнча изделгендердин тизмесинде боз категориясына киргени аныкталды.
Ошол эле учурда, Улуттук Коргоо министрлигинин билдирүүсүнө ылайык, Сириянын «Тынчтык булагы» аймагына кирүүгө аракет кылган 2 ПКК/ЙПГ террористи жана «Евфрат калканы» аймагына кол салууга камданып жаткан ПКК / ЙПГ террористи жок кылынды.