Түркиядагы коронавирус боюнча акыркы кырдаал...

Түркияда коронавируска (Covid-19 / Ковид-19) каршы күрөш уланып жатат.

Акыркы 24 саатта вирустан 202 киши көз жумду. Пандемия башталгандан бери илдеттен каза болгон адамдардын жалпы саны 21 миң 295 деп катталды.

Бир сутканын ичинде 149 миң 218 тест жасалып, 1 миң 713 жаңы бейтап аныкталды. Бир күндө вирус жуктурган киши саны болсо 11 миң 180 болду.

Ооруканадан айыгып чыккан 11 миң 672 киши менен бирге илдетти жеңгендердин жалпы саны 2 миллион 126 миң 432ге жогорулады.