Эрдоган менен Мишелдин телефондогу сүйлөшүүсү

Президент Режеп Таййип Эрдоган Европа Биримдиги Кеңешинин төрагасы Шарль Мишель менен телефон аркылуу сүйлөштү.

Президенттиктин Коммуникация башкармалыгынын билдирүүсүнө ылайык, Европа Биримдиги Кеңешинин төрагасы Мишель президент Эрдоганга Европа Биримдигинин Саммити жөнүндө маалымат берип, пикир алмашуу үчүн телефон чалды.

Президент Эрдоган сүйлөшүүнүн жүрүшүндө, Түркиянын келечегин ЕБ менен бирге түзүүнү кыялданганын белгилеп, Түркия-ЕБ карым-катнаштарында жасалган ар бир оң кадамды жаңы мүмкүнчүлүктөр терезеси катары баалап жатышкандарын айтты.

Түркия катары ЕБ менен жаңы барак ачууну каалап жатканда бирөөлөр атайылап кризис жаратуу үчүн аракет кылганын белгилеген Эрдоган, Түркия-ЕБ карым-катнаштарын тез арада ушул туңгуюк циклдан куткаруу керектигин баса белгиледи.

Эрдоган, Түркиянын Греция менен жүргүзгөн чалгындоо сүйлөшүүлөрүндө ал сүйлөшүүлөрдү кайрадан баштоого даяр экендигин көп жолу баса белгилегенин, бирок грек тараптын дайыма жаңы шылтоолорду ойлоп таап сүйлөшүүлөрдөн качканына жана акыркы жумаларда чагымчыл кадамдарга барганына көңүлдү бурду.

Ушунун бардыгы болуп жатканда Түркиянын саясатын бир гана  адилеттүүлүк жана акыйкаттыктын негизинде калыптандырганын айткан президент Эрдоган, Чыгыш Жер Ортолук деңиз темасында ак ниет жана конструктивдүү мамилелерин көрсөткөн тарап Түркия болгонун, бул темада эл аралык конференция уюштуруу сунушу дагы деле үстөлдө экендигин айтты.

Бул конференцияда эч кимди, анын ичинде ТКТРны да четтетпөөсү маанилүү экендигин белгилеген Эрдоган, ар дайым түрк тарап Кипр аралында адилеттүү, конструктивдүү жана туруктуу чечим үчүн керектүү аракеттерди жумшагандыгын баса белгиледи.

Президент Эрдоган, Ливия, Сирия, Тоолуу Карабах сыяктуу Европа Биримдиги тарабынан көйгөйлүү деп эсептеген тармактардын бири дагы Түркия-ЕБ карым-катнаштарынын өзөгүнө байланыштуу эместигин, бул тармактардагы негизги принциптер жана максаттар дээрлик бири-бирине дал келгенин айтты.

Түркия-Европа Биримдиги мамилелери акыркы эки жылда айрым мүчөлөрдүн тар кызыкчылыктарына иштеп калганына токтолгон Эрдоган, ЕБ менен кайрадан чоң картинаны негизинде өз ара пайдалуу мамилелердин алкагында сүйлөшө баштоону каалап жатышканын билдирди.

Эрдоган, оң күн тартиби үчүн биринчи этапта натыйжаларды алуучу түрдө колдонулушу мүмкүн болгон инструменттин 18-марттагы (Мигрант) макулдашуусу (2016) экенин, ЕБнин Түркия темасында эстүү жана конструктивдүү мамилени жактыруусун каалагандарын белгиледи.