Эрдоган: «Пандемиядан дүйнөдө бардык саясат адам укугунун огунда түзүлүшү керек»

Президент Режеп Таййип Эрдоган жаңы түрдөгү коронавирус (Ковид-19) эпидемиясынан кийин кайрадан түзүлө турган дүйнөдө бардык саясаттын адам укугунун огунда түзүлүшү керектигин айтты.

Эрдоган, 10-декабрь - Бүткүл дүйнөлүк адам укуктары күнүнө карата жарыялаган билдирүүсүндө, БУУнун (БУУ) Адам укуктарынын жалпы декларациясынын кабыл алынгандыгынын 72 жылдыгынан улам түрк жарандарын жана бүткүл адамзатты куттуктады.

Мындан 72 жыл мурун, адилеттүү, эркин, адамга багытталган дүйнө идеалы менен кабыл алынган Адам укуктарынын жалпы декларациясынын дагы деле болсо эл аралык коомчулуктун милдеттерин эске салган маанилүү документ болуу мүнөздөмөсүн сактап келе жаткандыгын белгилеген Эрдоган, башкаруу системасы «элдер жашасын, мамлекет жашасын» принциби менен жүзөгө ашырган өлкө катары, алар ишке ашырган реформалары менен жарандардын укуктары менен эркиндиктерин чектеген көптөгөн тоскоолдуктарды жоюшкандыгын билдирди.

Бүгүнкү күндө Адам укуктарынын жалпы декларациясы үчүн эң чоң коркунуч маданий расизм, ксенофобия жана исламофобия экендигин билдирген Эрдоган, батыш коомдорундагы Ковид-19 эпидемиясы менен бирге, айрыкча ишеним жана сыйынуу эркиндиги сыяктуу декларация менен кепилдикке алынган адам укуктарын колдонууга тоскоолдуктар көбөйүп бараткандыгын белгиледи.

Эрдоган: «Миллиарддаган мусулмандардын жашоо укугунан баштап, адилеттүү сотко чейинки негизги эркиндиктери тебеленип, сөз эркиндигине жамынып, ыйык баалуулуктар басынтылып, жек көрүү тили жалпыга маалымдоо каражаттары жана мамлекет башчысынын деңгээлинде кубатталып жаткан коркунучтуу көрүнүшкө туш болдук. Ковид-19 пандемиясынан кийин кайрадан  түзүлө турган дүйнөдө, бардык саясаттардын адам укуктарынын айланасында түзүлүп, адилетсиздикти четтетүү үчүн эффективдүү механизмдерди иштеп чыгуу керек»,-деп айтты.

Эрдоган, Түркиянын негизги эркиндиктердин корголушу үчүн күрөшүүгө жана Адам укуктары жөнүндө Жалпы декларациясы менен мындан 72 жыл мурун кепилденген укуктарга дагы деле жете алышпаган миллиондогон адамдар үчүн үмүт нурун жандыруусун уланта турганын билдирди.