Түркия бир катар өлкөгө беткап экспорттоду
Түркиянын статистика мекемесинин көрсөткүчтөрү.
Түркия, коронавирус пандемиясы күч алган жылдын биринчи жарымында 105,1 миллион долларды түзгөн бир жолу колдонулуучу медициналык маскаларды экспорттоду.
Түркиянын статистика мекемесинин маалыматына караганда, январь-июнь айларынын аралыгында Түркия дүйнө жүзүндөгү 108 жерге бир жолу колдонулуучу беткаптарды экспорттоду.
Ковид-19 пандемиясы дүйнөгө таасирин тийгизген бул мезгилде Түркия 105 миллион 86 миң 461 долларлык бир жолу колдонулуучу медициналык маскаларды экспорттоду.
Өткөн жылдын тийиштүү мезгилинде беткаптын экспорту 1,7 миллион доллар болгон.
Январь-июнь айларынын аралыгында Түркияда чыгарылган бир жолу колдонулуучу беткаптарга эң көп Германия, Кытай, Франция, Румыния жана Кувейттен талап келди.
Январь-июнь мезгилинде маскаларды экспорттоонун көлөмү болжол менен 1 миң 260 тоннаны түздү.
