Түркия дагы 6 өлкөгө виза жеңилдигин камсыздады

Тышкы иштер министрлигинин басма сөз катчысы Хами Аксой, Түркиянын айрым Европа өлкөлөрүнө виза жеңилдиги камсыздалышы менен туризм потенциалы, соода, экономикалык жана маданий карым-катнаштардын дагы да өнүктүрүлүшү максатталганын билдирди.

Аксой, Түркиянын айрым Европа өлкөлөрүнө виза жеңилдиги камсыздалышы тууралуу кабыл алган токтом тууралуу бир суроого жазуу түрүндө жооп берди.

Аксой: «Европа Биримдиги (ЕБ) Шенген аймагынын мүчөлөрүнөн Австрия, Бельгия,Нидерландия,Испания, Польша жана Улуу Британиянын атуулдарына 2-марттан тарта Түркияга жасаган туристтик максаттуу саякаттарында ар бир 180 күндө 90 күн мөөнөттүү визасыз тартиптин камсыздалышына чечим чыгарылды»,-деп айтты.

Аксой, ушул кадам менен аты аталган өлкөлөр менен туризм потенциялыбыздын арттырылышынын максатталганын белгилеп өттү.