22 түрк студент билим алуу үчүн Россияга барат

Мерсиндеги Аккуюу  атомдук күч станциясында иштей турган 22 түрк студент  билим алуу үчүн Россияга барат.

Энергетика жана табигый ресурстар министри Фатих Дөнмез Аккуюу атомдук күч станциясында жумуш менен камсыз кылынышы гарантияга алынган  биринчи магистратура программасы үчүн Санкт Петербургга бара турган 22 студент менен министрликте жолугушту.

Дөнмез атомдук энергетикада өткөн жылы Аккуюу атомдук күч станциясынын пайдубалынын түзүлүшү менен маанилүү бир кесилиштин басып өтүлгөндүгүн белгилеп, атомдук энергетиканын электр өндүрүшүнүн бир гана бир бөлүгү экендигин, атомдук энергетиканы саламаттыктан кабарлашууга чейин  көптөгөн тармакта алдыңкы технологиянын  өндүрүшү катары көрүшкөндөрүн айтты.

Экология досу атомдук энергетиканын Түркиянын энергетикага болгон көз карандысыздыгында маанилүү бурулуш жерлеринен болгондугун баса белгилеген Дөнмез Түркиянын электр өндүрүүдө 40 – 50  пайызынын тышка көз каранды экендигин жана жыл сайын энергетика булактарына орточо 40 миллиард доллар төлөгөндүгүн билдирди.

Жергиликтүү булактардын колдонулушун арттырууга мажбур болушкандарын баса белгилеген Фатих Дөнмез : «Ушундайча тышка болгон көз карандылыкты чоң өлчөмдө азайткан болобуз. Ушул күнгө чейин 244  түрк студент Орусиядагы MEPhI улуттук атомдук иликтөөлөр университетине атомдук инженердик билимин алуу үчүн барды. Бул жылы биринчи жолу он үчү жылуулук энергиясы, тогузу электр энергиясы тармагында болуп жалпы 22 түрк студентибиз Санкт Петербургдагы Ыйык Петр политехникалык университетине магистратуралык программада билим алуу үчүн жиберилүүдө. Кайтышканда Аккуюу атомдук күч станциясында иштешет»,- деди.