Түркиянын С-400 боюнча НАТО менен маселеси жок
Түркиянын тышкы иштер министри Мевлүт Чавушоглунун Орусиядан алынган С-400 абадан коргонуу системасы тууралуу берген маалыматы.
![Түркиянын С-400 боюнча НАТО менен маселеси жок](http://cdn.trt.net.tr/images/xlarge/rectangle/e64b/1442/6f48/5d400c3eed102.jpg?time=1718856492)
Түркиянын тышкы иштер министри Мевлүт Чавушоглу, Орусиядан алынган С-400 абадан коргонуу системасы тууралуу: “С-400 НATOго карата кандайдыр бир көйгөй жаратпайт. Түркия бир канча тармакта НATOнун иштерине көмөк көрсөтүп келет”,- деди.
Таиланддын борбору Бангкокто өткөн Түштүк-Чыгыш Азия Эл аралык биримдигинин (ASEAN) Тышкы иштер министрлеринин 52-жыйынында Орусиянын Тышкы иштер министри Сергей Лавров менен жолукту. Андан кийин Орус медиасынын суроолоруна жооп берген министр Чавушоглу, Сириядагы жарандык согушту чечүүгө саясий жол издеген, август айында Нур-Султанда өтө турган жолугушуу жана Түркиянын НАТО менен болгон мамилелери боюнча маалымат берди.
Чавушоглу биринчи жана экинчи августта Казакстандын борбор шаары Нур-Султанда өтө турган жолугушууда маанилүү маселелерди ортого коёрун белгилеп: “Токтоолукту жана саясий процессти сактоого дагы көп көңүл буруу керек. Конституция комитетин куроо жөнүндө сүйлөшүүлөрдү жүргүзөбүз. Комитеттин куралышын жарыя кылуу үчүн биргеликте аракеттенебиз”,-деп айтты.
Туркиянын С-400дү алгандан кийин НАТО менен болгон карым-катнашы боюнча суралган суроого Чавушоглу, “НАТО менен эч кандай маселебиз жок. Башкы катчысынын жана орун басарынын С-400гө байланыштуу билдирүүлөрүндө маалым болгондой, С-400 НATOго кандайдыр бир маселе жаратпайт. Түркия бир канча тармакта НATOнун иштерине көмөк көрсөтүп келет. Бул маселе бир да жолу НАТОнун саммитинде каралган жок”-деп жооп берди.
Чавушоглу, С-400 алынгандан кийин Түркия-НАТО карым-катнаштарына караганда Түркия-Америка Кошмо Штаттарынын карым-катнаштарына байланышкан бир маселе чыккандыгын белгиледи.