Түркия укуктарын коргоодо өтө чечкиндүү
Хулиси Акар Эскишехирде маалымат берди.
Улуттук коргоо министри Хулиси Акар, Түркиянын Эгей деңизи жана Чыгыш Жер ортолук деңиздеги укуктарын коргоодо чечкиндүү экенин белгиледи.
Хулиси Акар Эскишехирде 1-Аба унааларын жаңылоо заводунун директорлугунда кечээ өткөрүлгөн Стратегиялык келишимдерге кол коюу аземинен кийин «технологиянын дөө шаасы» деп сыпатталган заводдун жумушчулары менен жолукту.
Бул жерде жумушчуларга кайрылган Акар, Грециянын Эгей деңизиндеги эреже бузууларына, Чыгыш Жер ортолук деңизде да Грециянын жана Кипрдин Рум башкаруучулугунун бир жактуу түрдө суутек издөө иштерине сереп салды.
Аймактагы айрым чагымчылык аракеттерге көңүл бурган Акар, бул аракеттердин ишке ашпай турганын белгиледи.
Түркиянын аймакта «болоору болду» дегенге эч качан жол бербей турганын баса белгилеген Акар: «Түркия Республикасы болбогон чечүүчү жолго Эгейде, Чыгыш Жер ортолук деңизде, Кипрде кааласа экономикалык, кааласа коопсуздук жана коргонуу темалары болсун «макул» дебей турганыбызды ар ким билиши керек»,-деди.
Түркиянын аймактагы кызыкчылыктарын коргоодо абдан чечкиндүү экенин айткан Акар: «Экинчи жагынан болсо эл аралык мыйзамга жана эки тараптуу келишимдерге урмат-сый көрсөтөбүз. Укуктарыбыздан эч качан баш тартпай турганыбызды ар ким жакшы билиши зарыл»,-деп айтты.
