Путин Эрдоган менен БРИКСтин алкагында жолугат

Орусиянын вице-президенти Юрий Ушаков, Орусиянын президенти Владимир Путиндин Түштүк Африканын Йоханнесбург шаарында боло турган Бразилия, Орусия, Индия, Кытай жана Түштүк Африка Республикасы (БРИКС) саммитинин алкагында 26-июлда президент Режеп Таййип Эрдоган менен жолугуша турганын айтты.

Журналисттерге маалымат берген Ушаков, эки лидердин күн тартибинде Сириядагы абал боло турганын айтты.

Путин менен Эрдогандын ортосунда боло турган жолугушууну «маанилүү» деп мүнөздөгөн Ушаков, лидерлердин ортосундагы диалогдун улана турганын белгиледи жана эки лидердин тез-тез жолукканын, быйыл 16 жолу телефон аркылуу сүйлөшкөнүн эске салды.

Ушаков, жолугушууда лидерлердин эки тараптуу карым-катнаштарды, энергетика долбоорлорун, Сирия кризиси темасында кызматташтык жана Астана форматында таштала турган кадамдар каралаарын белгиледи.

Ушаков, Путиндин саммиттин алкагында ар дайым болгону сыяктуу Кытайдын мамлекет башчысы Си Цзиньпин жана Индиянын премьер-министри Нарендра Моди менен жолуга турганын айтты.

Ушаков: «Саммиттин эң маанилүү документи Йоханнесбург декларациясы болот. Бул декларацияда өткөн 10 жылда жүзөгө ашырылган иштер каралат»,-деди.