«Зайтун бутагы» (тынчтык) кыймылынын 10-күнү

2-Армиянын командири генерал-полковник Исмаил Темел, террор элементтеринен тазаланган Африндин Бурсея тоосунда иликтөөлөрдү жүргүздү.

Түрк куралдуу күчтөрүнүн (ТКК) Сириянын Африн аймагында «ПКК/КЖК/ПЙД-ЙПГ жана ДЕАШка мүчө террористтерди жок кылуу, дос жана тууган аймак калкын кысым жана зулумдуктан куткарыш үчүн баштаган «Зайтун бутагы» кыймылы 10-күнүндө уланып жатканда ушул убакка дейре 597 террорист жок кылынды.

Кечээ түштө стратегиялык маанидеги Бурсея тоосун абадан бомбалоодон кийин кургактык кыймылы менен ПЙД/ПККдан каратылып алынды.

Бүгүн болсо Килис-Хатай чек ара аймагындагы Дармук тоосунун алкагында белгиленген террор буталары «Фыртына» пушкалары менен кээ-кээде атылып жатат.

Террор уюмуна таандык буталардан түтүндөр асманга көтөрүлүп, замбирек үндөрү Килистин чек ара тилкесиндеги айрым айылдардан угулууда. Түрк согуштук учактары да чек араны бойлой учууда.

Бул учурда 2-Армиянын командири генерал-полковник Исмаил Темел, Бурсея тоосуна барып түрк аскерлери менен жолукту жана иликтөөлөрдү жүргүздү.