ПККга таандык лагерлер жок кылынды

Түрк куралдуу күчтөрү тарабынан Ирактын түндүгүндөгү Заб жана Авашин-Басьян аймактарында жикчил террордук уюм ПККга таандык лагерлер жок кылынды.

Башкы штабдын төрагалыгынын билдирүүсүнө караганда, кечээ Заб жана Авашин-Басьян аймактарындагы ПКК лагерлерине абадан операция жүргүзүлдү.

Аба күчтөрү командирлигине караштуу согуштук учактар, операцияда кол салууга даярдангандары аныкталган террористтер тарабынан колдонулган курал-жарак сактоочу жана баш калкалоочу жайларды жок кылышты.  

Бир тараптан Ички иштер министрлиги, акыркы жумада өлкөнүн жалпысында жүргүзүлгөн операцияларда 18и өлүү 40 террористтин кармалганын билдирди.