Батыштыктардын айткандарына ишенбей калдык, иш жүзүндө көрсөтүшүн каалайбыз
Эрдоган, Бельгиянын жалгыз эле террор уюму ПККнын эмес, Фетуллахчы террор уюмунун (ФЕТӨ) да маанилүү борбору болгонун айтты.
Президент Режеп Таййип Эрдоган, Бельгиянын жалгыз эле террор уюму ПККнын эмес, Фетуллахчы террор уюмунун (ФЕТӨ) да маанилүү борбору болгонун айтты.
Президент Эрдоган, Пакистанга жасаган сапарынан мурда Анкаранын «Эсенбога» аэропортундагы жарыясында, журналисттердин Германиянын тышкы иштер министри Франк-Вальтер Штайнмайердин кечээки Түркия сапарында террор менен күрөшүү каралып каралбаганы суроосуна жооп берди.
Немис жооптуу кызматтагылардын террор менен күрөшкөндөрүн ар дайым айткандарын белгилеген Эрдоган, Түркиянын эми бул айтымдарга ишенбегенин, мындан ары иш жүзүндө көрсөтүүсүн каалагандарын айтты.
Президент: «4 миң делонун номеринин Улуттук чалгындоо уюмундагы каттоолорун мындан мурда урматтуу канцлерге (Меркель) бердим. 5-6 ай мурдараак Стамбулдагы жолугушууда бул делолордун 4500 болгонун айттым. Кечээ келген бир жолдош Тышкы иштер министрлигинде 90 делонун натыйжаланганын айтты. Андан мурда немис парламентинде 6 делонун жыйынтыкталганы айтылган. Окуяга канчалык шалаакылык менен каралганы белгилүү болуп турат. Ишти бекем кылбай жатышат. Сиз бул ишти ушунчалык жумшак кармасаңыз, эртең бумеранг сыяктуу кайтып барып Германияны урат»,-деп айтты.
Жалгыз эле Германиянын эмес батыштын башка өлкөлөрүнүн да террорду баш калкалатканына көңүл бурган Эрдоган, Европа Кеңешинин имаратынын алдында бул террористтер өткөргөн митингдерде жана буларга берилген колдоолордо мунун көрүнгөнүн түшүндүрдү.
Бельгиянын да жалгыз эле ПККнын эмес, ФЕТӨнүн да маанилүү борбору болгонун баса белгилеген президент Эрдоган мындай деди: «Ушунчалык көп окуялар болууда. Мечиттерибиз өрттөлүүдө, эч кимдин буга боору ачып койгон жери жок. Бельгия Европа Парламентинин ал жерде орун алышынын себебинен маанилүү. Абдан да сезимтал болушу керек, бирок бул сезимталдык көрсөтүлгөн жок. Кыска мөөнөттүн ичинде абдан олуттуу террор кыймылдарына туш болушту. Франция ошондой эле түрдө. Андан мурда биз айтканбыз, булар бул ишке кайдыгер карашты. Ошол эле нерсени кайра айтамын, бүгүн бизге болгондор эртең аларга болот...»
Президент Эрдоган Премьер-министрликтин тышкы саясат боюнча кеңешчиси Кемал Өкемди Израилге элчи кылып дайындагандарын да айтты.
Израиль да кечээ Түркияга элчи катары Эйтан Наехти дайындаган.
