Премьер-министрдин Орусия тууралуу билдирүүсү
Эрдоган менен Путин ушул жуманын ичинде телефон аркылуу сүйлөшүшү мүмүкүн
![Премьер-министрдин Орусия тууралуу билдирүүсү](http://cdn.trt.net.tr/images/xlarge/rectangle/9d50/1ef2/3856/577203964b7df.jpg?time=1718941454)
Премьер-министр Бинали Йылдырым президент Режеп Тайип Эрдогандын Орусиянын президенти Владимир Путинге 12-юнь Орусия күнүнөн улам жолдогон каты аркылуу Орусия менен нормалдашуу жараянынын башталгандыгын белгиледи.
Бинали Йылдырым ТРТ-Хабер каналынын атайын программасына катышып Түркия-Орусия карым-катнаштарындагы жаңы жол картасына баа берди.
«Орусия менен ортобузда эч нерсе болбогон сыяктуу кабыл алып жолубузду улантабыз»,- деген Йылдырым, Эрдоган менен Путиндин таштала турган кадамдарга байланыштуу сүйлөшө тургандарын, эки өлкөнүн ортосундагы биринчи расмий сүйлөшүүнүн ушул жуманын ичинде өткөрүлө турганын айтты.
Йылдырым: «Балким шаршемби күнү, балким бейшемби күнү урматтуу Путин менен урматтуу президентибиздин ортосунда телефон сүйлөшүүсү өткөрүлөт»,- деди.
Өкмөт башчы Йылдырым жаңы жараянда, Түркия менен Орусиянын ортосунда экономикалык тармактагы мамилелер жана эки тараптуу туризм иш-чараларынын кайрадан ылдам түрдө баштала тургандыгын айтты.
Түркия-Египет карым-катнаштарына да токтолгон Йылдырым: «Сокку менен бийликтен кулатылган Мухаммед Мурси жана анын тобуна жасалган адилетсиз жазалардан тышкары, экономикалык алакалардын өнүктүрүлүшүндө тоскоол болоочу эч нерсе жок. Ишкерлерибиз эки тараптуу барып-келип жатышат»,-деди.
Йылдырым Египет менен болгон алакалардын министрлик деңгээлинде башталышы мүмкүн экенин жана ушундайча алдыга күндөрдө нормалдашууга пайдубал даярдалган болоорун белгиледи.
Тектеш кабарлар
![Министр Шимшек экономика саясатында чоң жылыш болгонун айтты](http://cdn.trt.net.tr/images/medium/rectangle/2c2c/2e17/7c21/667433d0d3b4a.jpg?time=1718941455)
Министр Шимшек экономика саясатында чоң жылыш болгонун айтты
Мехмет Шимшек Британияда Chatham House уюштурган конференцияда сөз сүйлөдү.