Чавушоглу Даниянын тышкы иштер министри менен сүйлөштү

Тышкы иштер министри Мевлүт Чавушоглу Даниянын тышкы иштер министри Кристиан Женсен менен телефон аркылуу сүйлөштү. Сүйлөшүүдө террордук уюм ДЕАШ жана ПКК менен күрөшүү темалары каралды.
Тышкы иштер министрлигинин булактарынан алынган маалыматка караганда министр Чавушоглу тышкы иштер министри Женсенди жаңы кызматынан улам куттуктады. Чавушоглунун Женсенге Сириядагы актуалдуу абалдар, ДЕАШ жана ПКК менен күрөшүү тууралуу да маалымат бергени белгиленди. Министр Чавушоглу сүйлөшүүдө чечүүчү процесс тууралуу аракеттерге токтолуп, бардык бул аракеттерге карабастан коопсуздук күчтөрүбүзгө карата кол салуулардын улантылып жатканын белгиледи.