Ирак Анкарадан аскердик жардам күтүүдө

Ирактын тышкы иштер министри Ибрахим Жафери кечээ Анкарада жолугушууларды өткөрдү. Ибрахим Жафери биринчи болуп тышкы иштер министри Мевлүт Чавушоглу менен жолугушту.
Эки тараптуу карым – катнаштар менен бирге аймактык жана эл аралык темалар каралган сүйлөшүүдө ДЕАШ коркутуусу алдыңкылык берилген күн тартип беренеси болду. Ирак өзгөчө аскердик тармакта Түркиядан жардам күтүүдө.
Мевлүт Чавушоглу биргелешкен пресс – жыйында Ирактагы өкмөттү колдошкондорун жана муну ар мүмкүнчүлүктө баса белгилешкендерин билдирип: «Ирак бетме – бет келген маселелер тууралуу да жардамыбыз улантылат»,- деди. Чавушоглу Ирактын эң чоң маселесинин ДЕАШ террордук уюму менен күрөшүү экенин баса белгилеп : «ДЕАШ террордук уюму Ирак, Сирия жана Түркия үчүн абдан чоң коркутуу. Ар дайым ДЕАШ террордук уюму менен күрөшүүдө Ирактын жана Ирак калкынын жанында болдук, болууну улантабыз»,- деди.
Жаферинин сөзүндө Ирак полициясынын да машыктырылуусу күн тартибине келгенин белгилеген Чавушоглу Ирак полициясынын Түркияда машыктырыларын, армия жана аскерлер тууралуу да машыктыр – камсызда колдоосунун улантыларын айтты.
Ирактын тышкы иштер министри Жафери президент Р. Т. Эрдоган андан кийин премьер – министр Ахмет Давутоглу тарабынан кабыл алынды.