Казакстандагы ызгаардуу кыш

Казакстанда суук абага байланыштуу өлкөнүн чыгыш жана түндүк аймактарындагы мектептер эс алууга тарады.

Казакстандын мамлекеттик метеорологиялык агенттигинин билдирүүсүндө, өлкөнүн түндүк жана чыгыш аймактарында абанын температурасы нормадан 10-18 градуска төмөндөгөнү, айрым жерлерде абанын температурасы 30-36 градуска чейин төмөндөшү мүмкүн экени белгиленди.

Суук абанын дагы бир канча күнгө созулаары сөз кылынган билдирүүдө, «Өлкөнүн борбордук жана чыгыш аймактарында абанын температурасы -40 градуска чейин төмөндөшү мүмкүн» деген эскертүү айтылды.

Маалымдалгандай Астана менен катар Чыгыш Казакстан, Усть-Каменогорск, Петропавловск жана башка айрым жерлерде суук абага байланыштуу билим берүүгө убактылуу тыныгуу берилгени маалымдалды.

Казакстан эң суук кыштарынын бирин өткөргөн 1931-жылы абанын температурасы -54 градуска чейин төмөндөгөн.