Армения ок атууну улантып жатат

Азербайжандын Коргоо министрлиги, чек арадагы аскердик тез жардам унаасына армян армиясы тарабынан ок атылганын билдирди.

Министрликтин жазуу түрүндөгү билдирүүсүндө, чек арадагы операциялардын токтотулушуна байланыштуу келишимге карабастан, Армения армиясы ар башка багыттарда Азербайжандын аскердик бөлүктөрүн жана отурукташуу жерлерин аткылаганы белгиленди.

Билдирүүдө армян армиясынын чек арадагы Агдере-Геранбой багытында бир тез жардам унаасына ок атканы, окуядан жабыркагандар жок экени, унаанын олуттуу каржылык зыянга учураганы сөз кылынды.

Армения армиясынын ок атпоо келишимин бузушунун негизинде жаракат алган жарандарды көчүрүү убагында тез жардам унаасынын ок атууга дуушар болгону белгиленген билдирүүдө, кол салууга «эл аралык адам укуктарынын бузулушу» деп сереп салынды.

Азербайжандын Коргоо министрлиги кечээ Нахчыван Автономдуу Республикасынын Ордубад, Бабек жана Шахбуз райондорундагы Азербайжандын аскердик жайларынын ок атууга дуушар болгонун билдирген.

Ошондой эле Армениянын кол салуусуна жооп кайтарылып, ок атуучу жери жана жайлары жок кылынганы маалымдалган.