Сити Германияда каалаганына жетишти

Чемпиондор лигасынын чейрек финалындагы  оюнда  Бавария менен 1-1 эсебинде тең чыккан Манчестер Сити жарым финалга өттү.

УЕФАнын Чемпиондор Лигасынын чейрек финалында "Альянц" стадионунда "Бавария" менен "Манчестер Сити" беттешти.

Биринчи оюнда атаандашын 3-0 эсебинде жеңген Манчестер Сити экинчи оюнда немис командасы менен 1-1 эсебинде тең чыгып, жарым финалга чыкты.

Беттештин 57-мүнөтүндө Эрлинг Хааланд Ситини алдыга алып чыкты.

Үй ээси команда 83 -  мүнөттө Киммихтин голу менен талаа ээлери эсепти теңдешти.

Жалпы эсеп боюнча 4:1 эсебинде Манчестер Сити алдыга чыккан тарап болду.

Реал Мадрид менен Манчестер Ситинин жарым финалдык беттеши 9-16-майда болот.