Галатасарай эртең Италияда Лацио менен беттешет
Рим Олимпия стадионунда саат 23.00дө баштала турган беттешти испаниялык калыс Карлос дел Серро Гранде башкарат.
УЕФА Европа лигасынын Е тайпасынын 6- жана акыркы жумадагы беттешинде өкүлүбүз Галатасарай эртең атаандаш талаасында Италиянын Лацио командасы менен беттешет.
Рим Олимпия стадионунда саат 23.00дө баштала турган беттешти испаниялык калыс Карлос дел Серро Гранде башкарат.
Өз тайпасында 5 беттеште үч жеңиш жана эки тең чыгуу менен сары-кызыл түстүү команда 11 упай менен жеңилбегендердин башында турат.
Италия командасы болсо эки жеңиш, эки тең чыгуу жана бир жеңилүү менен 8 упай топтоп, экинчи орунда.
Стамбулдагы эки команданын биринчи беттешинде Галатасарай 1-0 эсебинде жеңишке жетишкен.
Эгер Галатасарай эртең атаандашына гол киргизсе, тайпада биринчи болуп, түз эле акыркы 16 команда ойной турган турга өтөт.
Сары-кызыл түстүү команда атаандашынан жеңилип калса, тайпаны 2-орунда толуктайт.
Статусуна байланыштуу тайпада биринчи келе турган команда февраль айында беттеш өткөрбөй, акыркы 16 команда ойноочу турда түз орун алат.
Экинчи орунду алган команда УЕФАнын Чемпиондор лигасында өз тайпасында 3-орунду алган команда менен акыркы 16-турда калуу үчүн "плей-оффто" беттешет.
