Курани Карим көргөзмөсү

Босния-Герцеговинанын Мостар шаарында «Курани Карим менен жүрөгүңө жазам» аттуу көргөзмө ачылды.

Мостардагы Юнус Эмре институту тарабынан шаардагы маданият борборунда ачылган көргөзмөдө, коллекционер Нусрет Омерикаяга таандык, арасында кол жазма жана алтын менен кооздолгон 114 Куран китеби көрсөтүлдү.

Омерика бул жердеги билдирүүсүндө, 300 жылдык жана кол жазма 6 Курани Каримдин биринчи жолу көрсөтүлгөнүн баса белгилеп: «Өз үйүмдө 3 миң китептен турган китепканам бар. Арасында 200 Курани Карим бар. Ыйык китепке болгон сүйүүм чоң-атамдан мурас калган»,-деди.

Кураны Каримдин үлгүлөрүн 10 жылдан бери чогултуп келе жатканын айткан Омерика, Мостарда көргөзмө уюштурганы үчүн абдан кубанычтуу экенин сөз кылды.

«Карагөз Бей» медресесинин директорунун орун басары Сульо Цикотик да Курани Каримдин ар бир мусулмандын жүрөгүндө өзүнчө орду бар экенин баса белгилеп: «Курани Каримди коргоо, тектерибизди коргоо дегенди билдирет. Омерикага ушундай коллекцияга ээ болгону жана биз менен бөлүшкөнү үчүн ырахмат айтабыз»,-деп айтты.