Түркиянын мөмө жана жашылча-жемиш экспорту

Түркиянын мөмө жана жашылча-жемиш экспорту январь айында өткөн жылдын тийиштүү мезгилине салыштырмалуу 3 пайыздык өсүү менен 285,9 миллион долларга жетти.

Жер ортолук деңиз жашылча-жемиш экспорттоочулар биримдигинин төрагасы Неждат Син жазуу түрүндөгү билдирүүсүндө, Түркиянын январь айындагы мөмө жана жашылча-жемиш экспортуна 138,9 миллион доллар менен 49 пайыздык колдоо көрсөтүлгөнүн белгиледи.

Түркиянын январь айында мөмө жана жашылча-жемиш экспортунда Көз карандысыз Мамлекеттер Шериктештигинин 39 пайыз, Европа Биримдигинин 32 пайыз жана Жакынкы Чыгыш өлкөлөрүнүн 15 пайыздык үлүшкө ээ болгонун белгилеген Син: «Биринчи орунду 65,3 миллион доллар менен Орусия, 28,8 миллион доллар менен Украина экинчи, үчүнчү орунду 26,6 миллион доллар менен Ирак алды. Эң көп өсүшкө жетишкен өлкөлөрдү караганыбызда 355 пайыздык өсүү жана 7,8 миллион доллар менен Израиль эң көрүнүктүү рынок болду. Израилден кийин 93 пайыздык өсүү жана 3,3 миллион доллар менен Хорватия, 57 пайыздык өсүү жана 8,2 миллион доллар менен Беларусь турат. Босния-Герцеговина, Украина, Польша жана Грузия рынокторунда да экспортто олуттуу өсүшкө жетиштик»,-деди.