Дүйнөлүк басма сөз 29.09.2020
Дүйнөлүк басма сөздөн кыскача маалыматтар.
![Дүйнөлүк басма сөз 29.09.2020](http://cdn.trt.net.tr/images/xlarge/rectangle/b2fc/13ea/caac/5dc1146e588bb.jpg?time=1718956677)
Аль Рая Аль Катария (Катар): Президент Режеп Таййип Эрдоган менен Катардын Эмири Шейх Тамим Бин Хамед Аль-Тани телефон аркылуу сүйлөшүүдө стратегиялык мамилелерди талкуулашканын билдирген.
El-Cezire (Катар телекөрсөтүүсү): «Карабах чыңалуусу: Азербайжан Армениянын кол салууларына жооп иретинде ири масштабдуу операцияларды жүргүзүп жатат жана Бириккен Улуттар Уюмунун (БУУ) Коопсуздук Кеңеши жабык отурумда курчуп бараткан тирешүүнү талкуулады» деп кабарлаган.
Ал-Кудс аль-Араби (араб - британ): Түркия, саудиялык журналист Жамал Хашогги доосунда, сауд арабиялык 6 киши тууралуу айыптоо корутундусун даярдаганын билдиргенин жазган.
Deutsche Welle: Президент Эрдоган: «Тоолуу Карабахта маселени чечүүнүн убагы келди», дегенин маалымдаган.
Welt: «Kovid-19: Экинчи толкун жакындап келе жатат. Германия канчалык деңгээлде даяр?» деп кабарлаган.
France 24: Тоолуу Карабахтагы жаңжалдын курчушуна байланыштуу Түркия Арменияны эскерткенин жана басып алууну токтотууга чакырганын билдирген.
Le Monde: Ковид-19 чара көрүүлөрүнө каршылык Европада күчөп баратканын маалымдаган.
RFI: Эл аралык мунапыс уюму Франциядагы демонстранттарды камакка алуу учурунда ашыкча күч колдонулгандыгын сынга алганын жазган.
Lenta.ru: Президент Режеп Таййип Эрдоган, Азербайжан жерлеринин Армения тарабынан басылып алынышын токтотууга чакырганын билдирген.
Риа Новости: «Россия, Армения-Азербайжан согушуна жол бербейт, анткени мындай согуш анын улуттук кызыкчылыктарына түздөн-түз таасир этет» деп маалымдаган.
«Коммерсант» гезити: «Белоруссиянын мурдагы президенттикке талапкери Светлана Тихановская Литванын борборунда Франциянын президенти Эммануэль Макрон менен жолугушту. Жолугушуунун темасы - Беларустагы шайлоо» деп жазган.
La Tercera (Чили): «Аялдардын жумушка баруусуна колдоо: Чили өкмөтү бала бакчалардын ачылуусун тездетүүгө аракет кылып жатат» деп кабарлаган.
El Universal (Мексика): Ковид-19га кабылган "Дүйнөнүн эң семиз адамы" мексикалык Хуан Педро Франко ооруну жеңгенин билдирген.