Хамас Эл аралык кылмыш сотуна чакырык салды

Хамас кыймылы Эл аралык кылмыш сотунун башкы прокурорунан Израилдеги бардык согуш кылмыштарынын башкаруучуларын камакка алууга ордер берүүнү жана ХАМАСтын лидерлерин камакка алуу ордерин жокко чыгарууну суранды.

(ICC) Башкы прокурору Керим Хандын Израиль башкаруучулары жана Хамас Кыймылынын жооптуу кызматкерлерине карата «камакка алуу ордери» үчүн кайрылуусу болгонун жарыялоосунан кийин Хамас кыймылы Telegram баракчасынан жазуу түрүндө билдирүү жасады.

Палестинанын каршылык көрсөтүү лидерлерине каршы чыгарылган камакка алуу ордеринин мыйзамдуу негизге таянбаганы белгиленген билдирүүдө Хамас Эл аралык кылмыштар сотунун башкы прокурорун «жазалоочу менен жабырлануучуну бирдей кароо» аракети үчүн катуу айыптады.

Кыймыл Эл аралык соттун каршылык көрсөтүү лидерлерине каршы чыгарган кандай гана буйругу болбосун «Палестина элине жана оккупацияланган дүйнөнүн бардык элдерине оккупацияга каршы туруу укугун берген эл аралык конвенцияларга жана чечимдерге карама-каршы келет» деген пикирди бөлүштү.

Хамас билдирүүсүндө, Эл аралык кылмыш сотунун Израилдин лидерлерин кармоо жана камоо талабы палестиналык жарандарга каршы кылынган миңдеген кылмыштардан кийин 7 айга кечигип келгенине көңүл бурду.

«Эл аралык кылмыш сотунун башкы прокурору оккупациялык жетекчилерди жана кылмыштарга катышкан жоокерлерди кармоо жана камакка алуу ордерлерин чыгарууга буйрук бериши керек болчу» деген билдирүүдө, бул маселеге байланыштуу Рим конвенциясынын 25, 27 жана 28-беренелерине көңүл бурулду.

Эл аралык кылмыш сотунун кечээги жазуу түрүндөгү билдирүүсүнө караганда, башкы прокурор Керим Хан, Израилдин премьер-министри Беньямин Нетаньяху жана Израилдин коргоо министри Йоав Галлант, ошондой эле Хамастын саясий бюросунун башчысы Исмаил Ханийе, Хамастын Газадагы лидери Яхья Синвар жана Хамастын аскердик канаты Изеддин аль-Кассам бригадасынын лидери Мухаммед ал-Дайфты «камакка алуу үчүн ордер» сурап кайрылган.