Буркина-Фасо үч француз дипломатынан өлкөдөн чыгып кетүүнү талап кылды

Буркина-Фасо үч француз дипломатын "диверсиялык иш-аракеттери" үчүн персона нон грата деп жарыялады.

Франциянын Тышкы иштер министрлиги, Вагадугу элчилигинде иштеген 3 дипломаттын Буркина-Фасо бийлиги тарабынан "диверсиялык иш-аракеттерди кылган" деген жүйө менен персона нон грата деп жарыяланганын жана 48 сааттын ичинде өлкөдөн чыгып кетүүсүн талап кылганын кабарлады.

Франциянын Вагадугудагы элчилигинен бул тема боюнча азырынча эч кандай билдирүү жасала элек.

Франциянын мурдагы колонияларынын бири Буркина-Фасо менен мамилеси 2022-жылдын 30-сентябрында Ибрахим Траоренин аскердик өкмөтү бийликке келгенден кийин начарлап кеткен.

Буркина-Фасо Франция менен көптөгөн тармактарда өнөктөштүк келишимдерин токтотуу чечимин кабыл алган.