Орусия сабырдуулукка чакырды

Орусиянын Тышкы иштер министрлиги Жакынкы Чыгыштагы акыркы кооптуу чыңалууга абдан тынчсызданып жатканын билдирди.

«Биз Жакынкы Чыгыштагы көптөгөн кризистерди, өзгөчө жоопкерчиликсиз провокациялардан улам пайда болгон Палестина-Израиль чатагын чечпесе, чыңалууну күчөтө турганын бир нече жолу эскерткенбиз», - деп айтылат министрликтин билдирүүсүндө.

РФ Тышкы иштер министрлиги чыр-чатактын бардык тараптарын сабырдуулукка чакырып, учурдагы көйгөйлөр саясий-дипломатиялык эрежелердин жана «эл аралык актерлордун конструктивдүү мамилесинин» негизинде чечилет деген үмүтүн билдирди.

Министрлик ошондой эле Израиль, Иордания, Ливан жана Сириядагы жарандарын анын маалыматын жана сунуштарын аткарууга чакырды.