Израилдин Газага кол салуулары уланып жатат
Кол салууда 29 адам каза болуп, 3 киши да жараланды.
Израиль армиясынын Орозо айттын 3-күнүндө Газа тилкесиндеги бир үйдү бомбалоосунун натыйжасында кеминде 29 палестиналык каза болду.
Палестинанын расмий агенттиги WAFAнын кабарына караганда, Израиль армиясы Газа шаарынын Сидра аймагындагы Эд-Дерек конушунда Жаффа көчөсүндө жайгашкан палестиналык «Эт-Табатиби» үй-бүлөсүнө таандык үйдү бомбалады.
Кол салууда 29 адам каза болуп, 3 киши да жараланды.
Израиль армиясынын тик учактарынын Газанын Зейтун, Шучаййе жана Римал райондорунда кеминде үч үйдү бутага алышынын натыйжасында көп сандаган палестиналык жараланды.
Нусайрат качкындар лагеринин түндүк аймактары да Израиль армиясынын тик учарлары тарабынан бутага алынып, кээ бир имараттар талкаланды.
Нусайраттагы Эль-Жадид качкындар лагеринде жер которгон палестиналыктар баш калкалаган мектепти Израиль аскерлеринин бутага алышынын натыйжасында бир киши каза болуп, көп сандаган киши жараланды.
Газа тилкесинин түштүгүндө жарандык коргонуу топтору Хан-Юнус шаарынын Аль-Эмел районунда кулаган имараттардын урандыларынын астынан 13 кишинин чирип калган денесин чыгарышты.
Израиль аскерлери Батыш Шериадагы Тубас шаарына жүргүзгөн рейд учурунда бир палестиналыкты да өлтүрүштү.
