Орусия Украина армиясынын Курск облусуна чабуул койгонун билдирди

Орусиянын Курск облусунун губернатору Роман Старовойт, Украина армиясынын аймакка учкучсуз учуучу аппарат менен кол салуусунан 3 кишинин каза болгонун билдирди.

Старовойт Telegram каналында билдирүү жасап, украин армиясынын Курск облусунун Апанасовка айылына учкучсуз учуучу аппарат менен кол салганын айтты.

Старовойт:"Апанасовка айылында жарандык унаанын ичине украиналык учкучсуз учуучу аппараттан жардыруучу зат ыргытылды. Тилекке каршы, унаадагы 3 адам, анын ичинде 2 бала каза болду. Каза болгондордун жакындарына көңүл айтам",-деди.

Украин армиясынын 9-апрелде Брянск облусунда артиллериялык системалар менен жасаган кол салуусунда 2 кишинин каза болгондугу жарыяланды.