Палестиналыктар Жер күнүнө карата жүрүш уюштурушту

Палестиналыктар Израилдин Газага уланган кол салууларына жана Израилдин Палестина жерлерин басып алышына каршы «Жер күнү» жүрүшүн өткөрүштү.

Палестиналыктар 30-Март Жер күнүнө карата уюштурган демонстрациялар жана иш-чаралар менен адилеттикти талап кылышты.

Ушул алкакта Израилдин жер басып алуусу жана кол салуулары уланып жаткан Газа, басып алынган Батыш Шериа жана Чыгыш Кудус менен Израилдин чек араларындагы жерлер жана дүйнөнүн ар башка борборлору кеңири катышкан демонстрацияларга күбө болууда.

Израилдин палестиналыктар жашаган түндүктөгү Дейр Ханна шаарында Жер күнүнө арналган жүрүшкө миңдеген киши катышты. Демонстранттар Палестинанын желектеринен тышкары Израилдин Газага кол салууларын жана палестиналыктарга карата дискриминация саясатын сындаган транспаранттарды көтөрүп жүрүштү.

Араб жарандарын көзөмөлдөө боюнча Жогорку комитеттин төрагасы Мухаммад Бараке, 1948-жылдагы Палестина ислам кыймылынын түндүк канатынын лидери шейх Раид Салах жана 1948-жылдагы Палестина ислам кыймылынын түндүк канатынын төрагасынын орун басары шейх Камал аль-Хатиб катышты.

Жүрүштөн кийин сахнада сүйлөгөн сөзүндө Израилдин Газага кол салуулары, ал жердеги палестиналыктардын ачкалыгы, басып алынган Батыш Шериада жөөт отурукташкан жерин басып алуусу токтотулсун деген чакырыктар айтылды.

1976-жылы 30-мартта өлкөнүн түндүгүндөгү Желиле аймагында жашаган Израиль жарандары палестиналыктарга таандык миңдеген гектар жерди Израиль карактап алган.

Палестина эли бул карактоого каршы жалпы иш таштоого чыгып, демонстрацияларды өткөрдү.

Израиль полициясы демонстрацияга катышкан палестиналыктарга ок атып, 6 киши каза болуп, көп сандаган киши жараланды.

«Жер күнү» деп аталган бул иш-чара Израиль менен Палестинанын ортосундагы чыр-чатактын башаты болгон жер жана мекенге карата палестиналыктардын каршылыгынын символу катары каралууда.