Газада каза тапкандардын саны көбөйүүдө

Израиль армиясынын 7-октябрдан бери Газа тилкесине кол салууларында каза болгондордун саны 32 миң 623кө жетти.

Палестинанын Саламаттыкты сактоо министрлигинин Газадагы катчысы Ашраф аль-Кудра, Израилдин Газа тилкесине 175 күндөн бери улантып жаткан кол салуулары тууралуу маалымат берди.

Кудра Израиль күчтөрүнүн Газа тилкесине акыркы 24 сааттагы кол салууларында дагы 71 палестиналыктын каза болгонун, 112 палестиналыктын жараланганын кабарлады.

Израилдин Газа тилкесине кол салууларында 7-октябрдан бери каза болгондордун санынын 32 миң 623кө жеткенин белгилеген Кудра, жаракат алгандардын санынын да 75 миң 92ге жеткенин айтты.

Саламаттыкты сактоо министрлигинин басма сөз катчысы Кудра, урандылардын астында жана жол жээгинде дагы деле сөөктөрдүн бар экенин, бирок Израиль күчтөрүнүн тоскоолдугунан улам медициналык топтор менен жарандык коргонуу кызматкерлеринин бул сөөктөргө жете албай жатканын маалымдады.